Hindi naisakatuparan ng isang security guard ang maitim niyang balak sa dalagang kanyang natipuhan dahil sa malulusog nitong dibdib, makaraang makahulagpos ang biktima sa mahigpit na pagkakayapos ng suspek, upang humingi ng tulong sa awtoridad nitong Miyerkules ng umaga, sa Valenzuela City.
Sa panayam kay SPO2 Lorena Hernandez, Acts of Lasciviousness ang inihaing kaso laban kay Rizaldy Andion, 37, ng No. 38, Area 3, Matiyaga Street, Barangay Pinalagad, ng nasabing lungsod.
Kuwento ng 19-anyos na biktima, dakong 7:00 ng umaga at papunta siya ng palengke para bumili ng ulam nang mapadaan siya sa tapat ng bahay ni Andion.
Tinawag ng sekyu ang dalaga subalit hindi niya ito pinansin.
Laging gulat ng dalaga nang haltakin siya ni Andion at sapilitang ipinasok sa loob ng bahay nito, nilamas ang kanyang dibdib at niyakap siya nang mahigpit.
Nagpumiglas ang biktima hanggang sa makawala sa pagkakayapos ng lalaki at mabilis na nagtatakbo.
Isinumbong ng biktima sa kanyang tiyuhin ang pangyayari, at kaagad silang nagpunta sa barangay hall para agad na maaresto ng mga tanod si Andion.
Nabatid na matagal nang kursunada ng suspek ang dalaga. (Orly L. Barcala)