NUEVA ECIJA – Dahil sa pinalawig na kampanya para sa Oplan: Lambat Sibat ng Nueva Ecija Police Provincial Office (NEPPO), isa-isang nahulog sa kamay ng batas ang mga pusakal na kriminal, sa magkakahiwalay na lugar sa probinsiya.
Sa ulat na isinumite kay Senior Supt. Manuel Estareja Cornel, Nueva Ecija Police Provincial Office director, unang nasakote ang No. 5 at No. 9 na most wanted na sina Ador Dionisio Russel y Andrada, 21; at Ador Dionisio Aries y Gamino, 20, kapwa taga-Barangay San Pascual, Talavera, sa kasong theft.
Arestado rin sina Jordan Pascual y Martin, 23, binata, ng Bgy. San Nicolas, Gapan City, sa attempted rape; Mark Pangan y Coloma, 27, ng Bgy. Bantug Norte, Cabanatuan City, sa murder; Reynaldo Orizar y Corpuz, 43, ng Bgy. Bakero, Cabanatuan City, sa robbery; at Marvin Danzalan y Buaron, 34, may asawa,ng Bgy. Kasong Manggang Marikit, Guimba.
(Light A. Nolasco)