LAUR, Nueva Ecija – Maagang kinalawit ni Kamatayan ang isang 52-anyos na inhinyero ng pamahalaang bayan ng Laur makaraan siyang pagbabarilin ng hindi nakilalang riding-in-tandem sa Laur-Gabaldon Road habang pauwi galing sa Christmas party sa munisipyo nitong Martes ng gabi.
Kinilala ng Laur Police ang biktimang si Engr. Jonathan Liwag y Marcos, may asawa, municipal engineer, na nagtamo ng mga tama ng bala sa iba’t ibang bahagi ng katawan.
Sa pagsisiyasat ni SPO2 Afredo D. Binuya, dakong 11:50 ng gabi at pauwi na ang biktima sakay sa kanyang Army type jeep (WRB-710) nang malapitang pagbabarilin ng mga suspek.
Nagpaese-ese ang jeep bago bumangga sa isang puno at tuluyang nahulog sa irrigation canal. (Light A. Nolasco)