CAMP JUAN, Ilocos Norte – Patay ang isang magsasaka matapos siyang barilin ng kanyang mga kapitbahay sa Barangay San Francisco, Dingras, Ilocos Norte, nitong Martes.
Sinabi ng pulisya na umiihi si Jake Cabido sa harap ng kanyang bahay nang lapitan siya ng isa sa mga suspek at binaril siya nang malapitan, na agad niyang ikinamatay.
Kinilala ng mga testigo ang dalawang suspek na sina Rolly Antonio, kapitbahay ni Cabido at bumaril umano dito; at Jimmy Balucas, ng Barangay Sta. Ana, Solsona.
Napaulat na gumamit ang suspek ng .45 caliber pistol sa pamamaril.
Kinumpirma naman ng pulisya na naaresto na ni Balucas, habang pinaghahanap pa si Antonio. (Freddie G. Lazaro)